Сејдиу во претседателскиот дворец во Чанкаја беше дочекан со официјална церемонија на која освен претседателот на Републиката Абдуллах Ѓул, учествуваше и претседателот на Големото Народно Собрание на Турција Мехмет Али Шахин и други високи функционери.

Двајцата претседатели Фатмир Сејдиу и Абдуллах Ѓул најпрвин одржаа тет-а-тет средба, а потоа се премина на разговори меѓу делегациите на двете земи на кои беа потпишани низа билатерални договори.

Косовскиот претседател Фатмир Сејдиу во рамките на своите разговори во Анкара ќе се состане и со претседателот на Големото Народно Собрание на Турција Мехмет Али Шахин и премиерот Реџеп Тајјип Ердоган, е ќе присуствува и на церемонијата по повод свеченото отворање на Центарот за истражување и примена за Југоисточна Европа формиран во склопот на Анкарскиот Универзитет.