Претседателот Ѓул пред да замине во посета на Индија и Бангладеш во Анкара го прими генералниот секретар на Советот на Европа Торбјорн Јагланд. Во оваа прилика стана збор за растечките сепаратистички струења во светот, за сојузот меѓу цивилизациите како и за прашања на релација Турција – Европската Унија.

Осврнувајќи се на целите и задачите на советот на Европа претседателот Ѓул меѓу другото напомна дека Советот на Европа има големо значење во воспоставувањето на човековите права и демократијата, така да посебен акцент стави на улогата на Советот во креирањето на општите и темелни стандарди на тоа поле.

Посочувајќи на се поочигледните примери на нетрпеливост и непријателство спрема странците во дел од земјите во светот, претседателот Ѓул уште еднаш ја нагласи улогата и значењето на Советот на Европа во надминувањето на овие негативни појави.

Претседателот Ѓул се задржа и на проектот Сојуз меѓу цивилизациите за кој рече дека треба да претставува база за унапредување и поттикнување на меѓусебното разбирање.

Генералниот секретар на Советот на Европа Јагланд нагласи дека Турција и Европската Унија имаат идентични основни вредности, и дека чувствува задоволство од тоа што Турција ја има улогата на предводник на истите тие вредности во нејзиното пошироко опкружување.