По Европската комисија, поддршка на предлогот за формирање Европски монетарен фонд за спасување на земјите членки кои запаѓаат во економска криза, пристигна и од германската канцеларка Ангела Меркел.

Меркел рече дека кризата во Грција ја изнесе потребата од водење на усогласена економска политика во еврозоната и дека затоа неговата земја во иднина посакува самата да ги реши сопствените проблеми, без притоа да се има потреба од Меѓународниот монетарен фонд.

Европскиот монетарен фонд ќе обезбедува извори за оние земји членки кои ќе се соочат со криза, а изворите ќе бидат обезбедени со издавање обврзници од страна на земјите членки на ЕУ.

Инаку, Германија со цел да се спречи индиректната интервенција во еврозоната од страна на земји како што се САД и Кина, не сака земјите кои ќе бидат вклучени во Европскиот монетарен фонд да се обратат до Меѓународниот монетарен фонд.

На сличен начин и Јапонија во 2007 година предложи да се формира Азиски монетарен фонд, на што пак се спротивставија европските земји и САД.