Емитувањето на турски јазик на Јуроњуз кое се реализира во соработка со турската државна радио-телевизија ТРТ, се оценува како значаен чекор и во процесот на Турција на патот за пристапување кон ЕУ.

Инаку, Јуроњуз кој емитува во 121 земја во светот и е формиран во 1992 година на иницијатива на Европската радиодифузна унија, е информативен телевизиски канал кој врши јавна радиодифузна услуга.

Јуроњуз може да се следи и преку интернет и емитува на германски, арапски, шпански, француски, англиски, италијански, португалски и руски, а од денеска и на турски јазик.

На свеченото отворање на сервисот на турски јазик на Јуроњуз што ќе се одржи во Истанбул ќе учествува и премиерот Реџеп Тајјип Ердоган.

Јуроњуз на турски јазик со посредство на 34 сателити ќе емитува во целиот свет.

Инаку, меѓу акционерите на Јуроњуз е и Турската државна радио-телевизија ТРТ и тоа со 15,70-отсто од акциите така што Советот за контрола на овој меѓународен информативен телевизиски канал со учество и на ТРТ ќе се состои од 14 членови.