Пакистански полициски функционери истакнаа дека цел на нападот со бомба поставена на еден моторцикл бил автобус полн со патници.

По бомбашкиот напад во Карачи, пред болницата каде што беа пренесени повредените експлодира и втора бомба.

Според вестите кои пристигнуваат од регионот, во вториот бомбашки напад загинале најмалку 10 лица, а имало и голем број повредени.

Инаку, во реализираните талибански бомбашки напади во градот Карачи од октомври досега животот го загубија стотици лица.