Претседателот на големото Национално собрание на Турција Мехмет Али Шахин за денес закажа средба со претседателите на пратеничките групи во собранието.

Се очекува претседателот Шахин во оваа прилика да се заложи за поефикасно работење на собранието особено во периодот кој претстои а во кој се очекува донесување на неколку клучни закони.

Утре на дневен ред на собранието ќе се најде предлог законот за формирање Секретаријат за Јавен Поредок и Безбедност. Освен тоа пратениците ќе расправаат и за предлог законот за намалување на рокот за референдум на 60 дена.